EŅGEĻS GONIM SACEJA

Eņģels gonim saceja,
prīcas ziņu vēsteja:
«Mozajā Jūdu zemē, Betlemē,
Davida ciļts dzimtenē -šudiņ dzimis Kristus».

Goni, vēsti sajamūt,
steidzās Kungam gūdu dūt.
Sveice jī Dīva Bārnu Betlemē,
nūguļdeitu sileitē, debess Pavēļnīku.

Breinišķeiga dzimšona,
ticeibā vīn zynoma:
Marija, ījāmuse škeisteibā,
Dīva Dālu dzemdejūt palīk jaunaveiga.

Dīvs nu debess mojūklim
atnoce pi cylvākim.
Ticeigī, dūdit gūda vītu Tam,
jau tik ilgi gaideitam ļaužu Pesteitojam.

Dīvu gūdā paturit,
viņa vordus pīminit:
«Šis ir muns vīneigs Dāls vysmīļokais,
jyusu Kungs vysvarenais, Viņu vysi klausit!»

Kungam Dīvam augsteibā
gūds un slava myužeiga.
Tāvu un Viņa Dālu gūdojit,
Svātū Goru pīlyudzit, sveicit Trejsvīneibu!»