II Krystaceļš - Revision history

https://convocatis.net/wiki/index.php?action=history&feed=atom&title=II_Krystace%C4%BC%C5%A1 II Krystaceļš - Revision history 2026-04-21T14:23:14Z Revision history for this page on the wiki MediaWiki 1.28.2 https://convocatis.net/wiki/index.php?title=II_Krystace%C4%BC%C5%A1&diff=5497&oldid=prev Maribet: Created page with "Content Category:Latgaliešu Category:Kristiešu Category:Katoļu Category:Dzīsmes Category:Dzīsmes Latgaliski <!--Lang:|Krīvi..." 2017-09-18T15:49:02Z

<p>Created page with "<a href="/wiki/index.php/Category:Content" title="Category:Content">Content</a> <a href="/wiki/index.php/Category:Latgalie%C5%A1u" title="Category:Latgaliešu">Category:Latgaliešu</a> <a href="/wiki/index.php/Category:Kristie%C5%A1u" title="Category:Kristiešu">Category:Kristiešu</a> <a href="/wiki/index.php/Category:Kato%C4%BCu" title="Category:Katoļu">Category:Katoļu</a> <a href="/wiki/index.php?title=Category:Dz%C4%ABsmes&action=edit&redlink=1" class="new" title="Category:Dzīsmes (page does not exist)">Category:Dzīsmes</a> <a href="/wiki/index.php?title=Category:Dz%C4%ABsmes_Latgaliski&action=edit&redlink=1" class="new" title="Category:Dzīsmes Latgaliski (page does not exist)">Category:Dzīsmes Latgaliski</a> <br /> <br /> <br /> <br /> <br /> (Krystaceļu ejūt kūpeigi, joizavēlej vīns nu dūtajim četrim variantim)<br /> <br /> ĪVODS<br /> Dīviškais Pesteitoj, īdami šū krystaceļu, mes ar dziļu cīnu un <br /> mīlesteibu gribim apdūmot Tovas ryugtos mūkas un novi, kū Tu <br /> izcīti myusu pesteišonas dēļ.<br /> Gūdynojūt Tovas cīsšonas un nūžālodami sovas vaines, mes <br /> pazemeibā lyudzam sev grāku pīdūšonu un atlaidu žēlesteibas.<br /> <br /> I<br /> KUNGU JEZU NŪTĪSOJ UZ NOVI<br /> (1) Pilats nataisneigi nūtīsoj Kungu Jezu uz novi. Tū jys dora, <br /> lai izpatikt cylvākim un lai nazaudēt keizara labvēleibu. <br /> Pesteitojs turpre¬tim moca myusus augšok par vysu vērtēt Dīva grybu. <br /> Lyuk, Jys dūdās pat novē, lai izpeļneitu mums Dīva žēlesteibu.<br /> (2) Nūtīsojis Kungu Jezu uz novi, Pilats mozgoj rūkas, saceidams: <br /> «Naasu vaineigs pi šo taisneigo ašna» (Mt 27, 24). <br /> - Cylvāks ari gryuteibu prīškā nadreikst atstot taisneibu un sovu pīnokumu. <br /> Asam vaineigi vysi. Ir jomozgoj na tikai rūkas, <br /> bet vēļ vairok - sova sirdsapzina.<br /> (3) Jezum sprīž tīsu na tikai Pilats, bet ari ikvīns, <br /> kas nataisneigi tīsoj sovus leidzcylvākus. Pesteitojs soka: <br /> «Kū jyus asat darejuši kaidam nu munim vysmozokim brolim, <br /> tū jyus asat darejuši man» (Mt 25, 40). <br /> Jys, pazeidams kotra cylvāka dvēseli, moca mums īcīteibu: <br /> Naasu nocis tīsot, bet atpesteit (Sal. Jņ. 3, 17).<br /> (4) Lai gon Kungs Jezus ir Dīva Dāls, tūmār pasadūd cylvāku <br /> nataisneigajam sprīdumam. Kodēļ? Todēļ ka Dīvs šū sprīdumu izmontoj <br /> cylvāka atpesteišonas lobā. - Kungs, moci ari myusus pacīst nataisneibu, <br /> kad tys nok par lobu myusu voi tyvoku pesteišonai.<br /> Lyugsimēs:<br /> Kungs Jezu, mes gūdynojam Tovu svātumu un atsazeistam sovūs grākūs. <br /> Tu, kas tyki tīsots myusu pesteišonas dēļ, esi mums žēleigs, <br /> kad noksi iztīsot myusu grākus.<br /> <br /> II<br /> KUNGS JEZUS JAM SMOGŪ KRYSTU UZ PLACIM<br /> (1) Dīva Dāls jam krystu, kuru Jam sagatavojuši cylvāki. <br /> Leidz ar šū krystu Jys jam uz sevis ari cylvāku grākus (sal. 1 Pīt 2, 24). <br /> Tai Jys myusus atbreivoj nu vyssmogokos nostas, kas nūspīž myusu sirdsapzinu.<br /> (2) Ari mes asam saisteiti ar Kunga Jezus krystu. <br /> Tikai mums tys nav noves reiks, bet gon kristeigū pīnokumu simbols, <br /> myusu ticeibas un pesteišonas zeime. Sovu pīnokumu nosta mums ir <br /> jonas vīnoteibā ar Kungu, lai globtu sovas dvēseles.<br /> (3) Kungs labprot jam krystu, ar tū mocūt, ka ari cīsšonom <br /> cylvāku dzeivē ir jāga. Mums gon ir atļauts nu cīsšonom izavaireit, <br /> bet nadreik-stim aizmērst, ka tom ir vērteiba. Cīsšonas joveļtej <br /> Dīvam taipat kai lyugšona, todēļ ka tos ir vīns nu leidzeklim <br /> dvēseles svātdareišonai un pesteišonai.<br /> (4) «Kas gryb man sekot... , lai jam sovu krys-tu...», <br /> soka Pesteitojs (Mt 16, 24). Jys apsūla, ka Jo «nosta ir vīgla» <br /> un Jo «jyugs ir pateikams» (Mt 11, 30). Par tū ikdīnas porsalīcynoj <br /> ar Dīvu vīnotī ļaudis, kas redz sovu pordabiskū mērki un dzeives gryuteibom jāgu.<br /> <br /> Lyugsimēs: <br /> Kungs, Tu pazeisti krysta smogu-mu, styprynoj myusu pošaizlīdzeibu <br /> un moci myusus tai dzeivot, lai mes nabyutu par apgryu-tynojumu un <br /> krystu sovim leidzcylvākim.<br /> <br /> III<br /> KUNGS JEZUS PYRMŪ REIZI PAKREIT ZAM KRYSTA<br /> (1) Kungs Jezus ir na tikai Dīvs, kas dareja breinumdorbus, <br /> bet Jys ir ari cylvāks, kam nabeja svešas cīsšonas, nūgurums un naspāks. <br /> Myusu dēļ Jys nese vysus ciļvēciskos dzeives tryukumus, izjamūt grāku, <br /> lai ari mes, ticeibas pylni, uzajimtu dzeives ceļa gryuteibas.<br /> (2) Cylvāku ceļš ir gryuts kai Golgotas ceļš. <br /> Uz dabasu vaļsteibu jī īt kryzdami un klupdami, todēļ ka jūs <br /> grāki un natykumi ir kai akmini ceļā. Bet voi ceļā pakritis gulēsi? <br /> Kungs, moci myusus, ka lelas lītas prosa ari lelas pyules. <br /> «Ceļšūs un īšu pi Tāva» soka pazudušais dāls. (Lk 15. 18).<br /> (3) Kungs Jezus pakreit tikai aiz fiziska nūgu-ruma, <br /> bet mes kreitam moraliski - kreitam grākūs. Un tys paroda, <br /> cik voji mes patīseibā asam. Mums pastoveigi jomeklej Dīva paleidzei-ba, <br /> kas var myusus goreigi atjaunot.<br /> (4) Kungs Jezus fiziski pakreit myusu grāku dēļ - kai gondareitojs. <br /> Bet voi myusu dēļ napakreit ari leidzcylvāki? Voi mes varim paredzēt <br /> myusu nūlaideibas voi īļaunojuma sekas? «Kungs, <br /> vodi munu ceļu Tovā prīškā»? (Ps 5, 9)<br /> <br /> Lyugsimēs:<br /> Kungs, moci myusus naapsastot, kad pītryukst mums dedzeibas lobūs dorbūs. <br /> Noc mums paleigā porbaudejuma laikā, lai myusus pacaltu un <br /> styprynotu tolokam ceļam.<br /> <br /> IV<br /> KUNGS JEZUS SATEIK SOVU SVĀTŪ MOTI<br /> (1) Dīviškajam Pesteitojam un Jo Motei tys ir ciļvēcisku <br /> sopu pylns breidis. Jī obi zyna, kam jonūteik, un jū cīsšonas <br /> ir šo augstoko mērka apgorotas. - Ari mums ir jobyun gotovim <br /> cīst un upurētīs pordabiska mērka dēļ.<br /> (2) Jezus Mote ir kūpā ar sovu dīviškū Dālu daudzūs svareigūs <br /> gadejumūs un gryb byut pi sova bārna ari Jo dzeives gryutokajūs breižūs. <br /> Jei saprūt sovu Dālu lobok nakai cyti un klu-seibā pasakļaun Jo grybai. <br /> - Kungs, moci ari myusus vysod meklēt Tevi un pasakļaut Tovim lāmumim.<br /> (3) Pesteitojs saskateja sovu moti naideigajā pyulī, kas jūs īlence. <br /> - Ir labi, kad gryutā breidī var sastopt lobu, saprūtūšu cylvāku. <br /> Pat jo palei-dzēt nav īspējams, sirds leidzjyuteiba nadreikst izpalikt. <br /> Bez tos cylvāki nav ciļvēciski. Ir pīnokums ciļvēciskos jyutas audzynot <br /> un ari vaļdeit por tom.<br /> <br /> (4) Myusu grāku dēļ nateiši jocīš ari Pestei-toja Motei <br /> (un varbyut vēļ daudzom motem!). Jei pavoda sovu Dālu leidz Golgotai. <br /> Ari mums joīt tys ceļš, kū aizsoce Pesteitojs, todēļ ka krys-ta ceļš nasabeidz. <br /> Nasūt sovu krystu, kotram ir joīt pretim pesteišonai. Gryuteibos, <br /> lai myusus pavoda Dīvmotes lyugšona.<br /> <br /> Lyugsimēs: <br /> Kungs, Tu sovai Bazneicai ceļā esi syutejis sovu Vysusvātokū Moti par <br /> sevišku aizbiļdni, dori, lai mes, izmontojūt jos palei-dzeibu, <br /> uzticeigi ejam myužeigos dzeives ceļu.<br /> <br /> V<br /> SEIMAŅS CIRENĪTS PALEIDZ KUNGAM JEZUM<br /> NEST KRYSTU<br /> (1) Seimaņam, kas nok nu teiruma, līk nest Pesteitoja krystu. <br /> Voi jys zyna, ka pīsadola tik svareigā lītā? Jo vords teik <br /> īraksteits Evangelijā, un pyrmū kristeigū draudzē Seimaņa gimine ir gūdā. <br /> Par jo pakolpojumu prīcojās kotra ticeigū paaudze. Napaej garum cylvākam, <br /> kuram vajadzeiga paleidzeiba, todēļ ka dzeivē nav niko svareigoka par Dīva <br /> un tyvoko mīlesteibu.<br /> (2) Evangelijā losom, ka Seimani pīspīde nest Jezus krystu. (Mk 15, 21) <br /> Cylvāks īt nu dorba nūguris, naēdis un, raug, jam līk nest cyta nostu. <br /> Tys ir parostais īmeslis kūrnēšonai un dusmem. Byutu tūmār slikti, <br /> kad ticeigūs ar varu vajadzātu spīst, lai paleidz tyvokam nalaimē. <br /> Voi Kristus nav sacejis: «Kū jyus asat darejuši vīnam nu <br /> munim vysmozokim brolim, tū jyus asat maņ darejuši. (Mt 25, 40) <br /> Vairok ticeibas!<br /> (3) Nest krystu storp divim laupeitojim nav<br /> nikaids gūds. Seimaņs tam pretojos. Bet cik<br /> tagad ir taidu, kas labprot pajimtu uz sevis<br /> tyvoko krystu? Pi tam tys ir pesteišonas krysts -<br /> lobū dorbu krysts, kas sagodoj Dīva žēlesteibu!<br /> Lai moca myusus poša Pesteitoja paraugs, kas<br /> nažāloj cylvāku lobā pat sovu dzeiveibu.<br /> (4) Kaids ir myusu īguļdejums cylvāku<br /> pesteišonas lītā? Kai Seimaņs mes asam spīsti<br /> tam voi cytam paleidzēt ari tad, kad vysmozok<br /> to gribim. Nalabprot snāgtū paleidzeibu ir<br /> gryuši pījimt, bet Kungs Jezus ari tū pījam nu<br /> Seimaņa. Mes vysi asam cyts cytam vajadzeigi<br /> gon snādzūt, gon pījamūt paleidzeibu.<br /> Lyugsimēs: <br /> Dīviškais Pesteitoj! Ir tikai vīns krysts. Tys ir Tovs <br /> pesteišonas krysts. Kam vīn mes nalaimē paleidzam, <br /> ar tū mes paleidzam Tev atpesteit cylvākus. Todēļ moci, <br /> lai mes labprot paleidzam cytim, un gryutā breidī ļauņ <br /> ari mums sajust loba cylvāka atbolstu.<br /> <br /> VI<br /> VERONIKA PASNĀDZ KUNGAM JEZUM SVĪDRU LOKOTU<br /> (1) Dīviško Pesteitoja vaigs, ceļa puteklim klots, <br /> mērkst svīdrūs un asnī. Tos ir cylvāku ļaunuma pādas. <br /> Jī ir gotovi ari cyts cytu apmest ar dublim. Bet voi ir <br /> kas nūsastoj vojoto pusē, kam ir taisneiba? Cik daudz <br /> godeigu rūku un sirds syltuma ir vajadzeigs, lai nūmozgotu <br /> cīsšonas nu zemes vaiga! Mīļojit cyts cytu «dor-būs un patīseibā», <br /> soka apostols (1 Jņ 3, 18).<br /> (2) Lai tyvokam paleidzātu, napīteik lobas sirds, <br /> bet bīži vajadzeiga ari drūsme. Veronika spēj vīna izīt <br /> nu naideigo pyuļa, lai nūslauceitu Pesteitojam vaigu. <br /> Jei ir drūšsirdeiga, todēļ ka mīļoj Kungu un ari dorbūs <br /> tū paroda. Krītni un darbeigi ticeigī ir tī, kas ikdīnas <br /> nūslauka Kristus Bazneicas vaigu. Kristeigo Bazneica ir <br /> Pesteitoja attāls. Mīļoj tū un gūdoj!<br /> (3) Sīvīte izasprauc cauri pyuļam un<br /> apsardzei, lai paleidzātu Jezum. Par lobū dorbu<br /> Pesteitojs jū atolgoj. Nūslaukūt Kunga vaigu,<br /> kai dorga pīmiņa jai palīk uz drēbes dīviško<br /> vaiga attāls. Ari šudiņ joprūt izaspīst cauri<br /> vīnaldzeigūs pyuļam, lai tyvotūs Jezum - na ar<br /> drēbes gobolu, bet ar sovu dvēseli, lai Kungs īlītu<br /> tamā sovu žēlesteibu un īspīstu myusu sirdīs sovu patīseibu.<br /> (4) Krysta ceļā ir na tikai cīsšonas un paza-mojumi. <br /> Ir ari prīcas breiži par lobajim dorbim. Kad cylvāks <br /> dora lobu, kļyust radzams, ka jys radeits pēc Dīva veida un <br /> leidzeibas. Šei leidzei-ba mums josagloboj, bīži atteirejūt <br /> sovu dvēseles seju un grāka puteklim.<br /> Lyugsimēs: <br /> Kungs, moci myusus lyugšonā un grāku nūžālā mozgot <br /> sovas dvēseles un pavairoj mums drūsmi lobim dorbim, lai mes <br /> vysā dzeivē kļyutu leidzeigoki Tev.<br /> <br /> VII<br /> KUNGS JEZUS ŪTRU REIZI PAKREIT ZAM KRYSTA<br /> (1) Pesteitojs pakreit, jo na tikai krysts ir smogs, <br /> bet ari Jo fiziskī spāki ir izseikuši. Mes asam spīsti nest <br /> na tikai fiziskos gryuteibas, bet ari ciļvēciskū vojeibu un <br /> pat grāku nostu. Pastoveiga ceiņa ar sovim tryukumim ir <br /> nūgur-dynūša, bet, kas iztur leidz golam, teik izpesteits.<br /> (2) Dzeives ceļūs cylvāki pastoveigi kaut kur pakreit. <br /> Nanycynoj pakrytušū! Ari klupdams var sasnēgt mērki, <br /> kad ceļā naapsastoj. Nadreikstam zaudēt cereibu cylvāka īspējom un<br /> Dīva žāļsirdeibai! Dūd, Kungs, kotram spāku ceļtīs tolokam ceļam!<br /> (3) Mes naspēsim dzeivot tai, lai nikur<br /> napakrystu, todēļ ka cylvāks ir vojs. Šei atziņa<br /> mums jouzjam pazemeibas un gondareišonas<br /> gorā. Lai gon krisšona ir gryuši atvairama, tys<br /> naatbreivoj myusus nu pīnokuma otkon nu<br /> jauna ceinētīs ar sovom vojeibom.<br /> (4) Pesteitojs pīsacēle pats, kad fizisko naspā-<br /> ka breidis beja garum. Bet cylvāks bez Dīva<br /> žēlesteibas nu grākim pasaceļt naspēj. Todēļ<br /> lyudzīs un meklej grāku atlaisšonu nu Dīva, lai<br /> rostu sevī jaunus spākus.<br /> <br /> Lyugsimēs: <br /> Kungs Jezu, kas ar smogu krystu placūs goji Golgotas ceļu, <br /> lai myusus atpesteitu, paleidzi ari mums izturēt, ejūt Tovos pādos.<br /> <br /> VIII<br /> KUNGS JEZUS MĪRYNOJ<br /> RAUDŪŠOS SĪVĪTES<br /> (1) Na vysi atkryta nu Kunga, kad pīnoce Jo cīsšonu laiks. <br /> Izturēja daudzejī, lai gon tys nabe-ja vīgli - redzēt, <br /> kai pazeistamais breinumdarei-tojs teik pazamots un reizē ar <br /> laupeitojim vasts uz novi. Ticeigī mīļoja Kungu un, navarādami <br /> Jam paleidzēt, cīte Jam leidza. - Kristus cīsšonu<br /> apdūmošona ari mums ir dereiga, jo tei paleidz atrast goreigos vērteibas.<br /> (2) Sīvītes raud, radzūt Pesteitoju ejam uz novi. <br /> Bet izmysumam nav vītas. Kungs Jezus sevi saleidzynoj ar <br /> zaļojūšu kūku. Tys naīs būjā. Īsoktais pesteišonas dorbs ir <br /> jopabeidz, un Jys drūši īt sovu ceļu, saceidams: <br /> «Naraudit par mani...». (Lk 23, 28) <br /> - Naraudit par Jū ari tagad, bet styprynojit sevi ar Jo pīmāru un Jo žēlesteibu.<br /> (3) Jezus naatraida leidzjyuteibu, bet gryb, lai cylvāki <br /> reali skateitūs uz sovim tryukumim. «Raudit par sevi», Jys soka. (Lk 23, 28) <br /> Grēcinīka stovūklis ir slyktoks nakai mūcekļa, kas mērst par taisneibu.<br /> (4) Nav jolej osoras par tū, kas cytim nas atpesteišonu. <br /> Mocitēs pazeit, kur ir patīso nalaime. Tukšas un grēceigas <br /> dzeives beistitēs vairok nakai cīsšonu. Lyuk, «raudit par <br /> sevi un sovim bārnim», soka Kungs. (Lk 23, 28) Na tikai raudit, <br /> bet vyspyrms dorit vysu, lai bārnus īvadeitu ticeigas dzeives <br /> ceļā un īmoceitu jūs meklēt dvēseles pesteišonu.<br /> <br /> Lyugsimēs: <br /> Kungs, moci myusus nūžālot sovas vaines un dovoj mums <br /> gryuteibu breižūs gaišu ticeibu Tev, lai mes spātu pazeit un <br /> izpiļdeit Tovu grybu.<br /> <br /> IX<br /> KUNGS JEZUS TREŠŪ REIZI PAKREIT<br /> ZAM KRYSTA<br /> (1) Nove ceļā byutu atsabreivošona nu<br /> cīsšonom, bet Kungs Jezus ceļās, lai ītu toļok, jo<br /> pasauļa Pesteitojam jomērst pi krysta, lai upurs<br /> byutu pīpiļdeits. - Lai ari cik gryuts byutu<br /> cylvāka stovūklis, jam vēļ ir īspēja paveikt pošu<br /> golvonū, t. i., izpesteit sovu dvēseli, todēļ sovs<br /> krystaceļš kotram ir jonūīt leidz golam.<br /> (2) Lels spāks ir tam, kas ceinejās par lelu un cyldonu lītu. <br /> Na vairs fiziskī spāki, bet gry-basspāks pīceļ Kungu Jezu, <br /> lai pabeigtu krys-taceļu, jo Jys zyna, ka nas ļaudim atpesteišonu. <br /> -Nivīns cylvāks nav tik styprs, lai nūītu sovu ceļu napakreitūt, <br /> bet ticeiba uz Dīvu un cereiba īmontot myužeigū dzeivi dūd spāku, <br /> lai varātu ceļtīs un izturēt.<br /> (3) Vīneigi Kungs ir myusu cereiba, jo kas gon cyts īs par mums <br /> mērt un kas gon cyts spēs paceļt šū krystu un myusus atpesteit. <br /> Mes Tev pasateicam, Kungs, par mīlesteibu un pašaiz-līdzeibu, <br /> kas Tev līk upurēt sevi par myusu pesteišonu.<br /> (4) Ari pēc trešo kritīņa Kungs Jezus turpynoj ceļu. <br /> Cik reizes kreit, tik reizes ari josaceļ - tai<br /> moca Kunga pīmārs. Myusu dedzeiba lai nav kai sākla, kas otri uzdeigst, <br /> bet otri ari nūveist, kad nav zemes un mytruma. Ari nu beidzamo kritīņa jopīsaceļ!<br /> <br /> Lyugsimēs: <br /> Kungs, pīdūd mums un naskaiti myusu kritīņus, todēļ ka mes <br /> asam voji un myusu ceļš ir tols. Dovoj mums iztureibu, lai, <br /> sekojūt Tev, mes sasnāgtu dvēseles pesteišonu.<br /> <br /> X<br /> KUNGAM JEZUM NŪVALK DRĒBES<br /> (1) Ļaudis ir nūsprīduši, ka Jys ir jopīkaļ krystā un todēļ <br /> pat ciļvēcisko cīna Jam naparo-da. Jam nūraun pat drēbes. <br /> Nūlaupeit kaidam ļaužu simpatijas, uzticeibu un cīnu - tys ir zemiski. <br /> Un cylvāki tai arvīn dora sovam Pesteitojam. - Kungs, mes pīlyudzam un <br /> gūdynojam Tevi, gondorūt par ļaužu grākim. Myusu acīs ari uz Golgotas <br /> Tu esi dīviškā gūdeibā ītārpts.<br /> (2) Beņdes sadola Pesteitoja drēbes sovā stor-pā. <br /> Kungam Jezum palīk tikai krysts. Un tys Jam ir svareigokais, <br /> todēļ ka krystā Jys pabeidz sovu Pesteitoja syuteibu. <br /> - Ari mums nūmērstūt, vysu, kas mums pīdar, sadaleis <br /> sovā storpā cyti. Bet kas paliks mums? Kungs, Tova žēlesteiba<br /> tod lai ir myusu vīneigo bogoteiba. Vyss cyts var zust, <br /> tikai Tu, Kungs, palic ar mums!<br /> (3) Kū cylvāks dūmoj pyrms noves, kas radza-mi tyvojās? <br /> Tod nav vairs svareigs ni apgērbs, ni ļaužu īskoti, <br /> ni cytas pasauleigas lītas. Cylvāks palīk vīns ar sovu dvēseli, <br /> ar sovu ticeibu, ar lobajim voi slyktajim dorbim. <br /> Kristus uz Golgotas kolna stovēja mīreigs par vysu paveik-tū - <br /> kai ceineitojs, kas jau ir tyvu pi mērka. Kungs, paleidzi <br /> ari mums tymā stuņdē byut taidim kai Tu!<br /> (4) Cylvāks nav tys pats, kas kaila mīsa. Jymā svareigokais <br /> ir goreigo, namērsteigo dvēsele. Skaistokī un cyldonokī dorbi ir tī, <br /> kurus veic cylvāka gors. Un tūmār: voi mozums cylvāku atsadūd mīsas <br /> kalpeibā? Pasorgoj, Kungs, lai mīsa napazudynotu munu dvēseli!<br /> <br /> Lyugsimēs: <br /> Dīviškais Pesteitoj, paleidzi mums izasorgot nu smogim grākim, <br /> lai, svātdorūšā žēlesteibā ītārpti, mes vysu varātu veļteit Tovam gūdam.<br /> <br /> XI<br /> KUNGU JEZU PĪKAĻ PI KRYSTA <br /> (1) Kungs Jezus atļaun pīnoglot pi krysta<br /> sovas rūkas un kojas. Jys naspēj kustētīs, bet ari tai <br /> Jys turpynoj myusu atpesteišonas dorbu. <br /> -Kaida laime ir kusteibas breiveiba! Myusu rūkas un <br /> kojas ir breivas, lai dareitu lobu. Bet jo myusus ari <br /> saisteitu slimeiba voi pīnokums tū dareit, ko nagribim, <br /> pīminēsim Pesteitoju uz krysta, lai cīsšonos byutu vīnoti ar Jū.<br /> (2) Osas noglas saista Pesteitoju pi krysta. Par mums <br /> Jys upurej sopes un sovu breiveibu. - Ari mums ir tai, <br /> kai sacejis apostols Povuls: «Ar Kristu es asu pīkolts krystā». (Gal 2, 19) <br /> Tys ir myusu ticeibas krysts, myusu pīnokumu krysts, <br /> ar kuru asam saisteiti vysā dzeivē. Dažkort tys ir ļūti gryuts, <br /> bet tūmār meils, jo ar tū mes teikam atpesteiti.<br /> (3) Šausmeigū krystā pīkaļšonu Pesteitojs panas, cīšūt klusu, <br /> todēļ ka šū upuri Jys ir iza-vēlējis labproteigi. «Kai jārs, <br /> vasts uz nūkaušonu, tai Jys naatver sovu muti», soka pravīts. (Is 53, 7) <br /> - Ari mums dzeives un atpesteišonas krysts ir jopījam bez kūrnēšonas. <br /> Kaut ari sopes kai noglas pordūrtu lūcekļus, aizver, Kungs, <br /> myusu lyupas, lai tos nasasyudz un nakūrnej, jo mes gribim <br /> Tev sekot labprot un vysur.<br /> (4) Golgota - tei ir na tikai cīsšonu simbols.<br /> Tei ir ari cylvāku atbiļde Dīvam - vīta, kurā jī pīkola krystā <br /> sovu Pesteitoju, lai Jys nastaigoj vairs, lai namoca, lai natraucej. <br /> «Nagribim, ka Jys por mums vaļdeitu», jī soka. (Lk 19, 14) <br /> - Bet voi myusu dzeivē Jam ir pīnoceiga vīta? Voi mes mīļojam <br /> Jū tai, kai pīsanok mīļot Dīvu?<br /> <br /> Lyugsimēs: <br /> Kungs Jezu Kristu, kas par mums esi ļovis sevi pīkaļt krystā, <br /> dovoj mums īdvēsmi, lai vyslelokū porbaudejumu breidī mes vēļ <br /> vairok maklātu Tovu žēlesteibu.<br /> <br /> XII<br /> KUNGS JEZUS MĒRST PI KRYSTA<br /> (1) Krystā pīkoltais Pesteitojs trejs stuņdes korojās <br /> pi krysta, cikom pīsapylda atpesteišonas dorbs, izabeidz <br /> cīsšonas, un Jys atsagrīž pi sova Tāva. - Kungs, mes Tev <br /> pasateicam par tū, ka gribēji vērs zemes dzeivot un cīst <br /> myusu dēļ. Dori, lai mes byutu Tev uzticeigi kai apostols <br /> Joņs un Tova Vysusvātoko Mote, kas spēja palikt pi Tova <br /> krysta leidz beidzamam breižam.<br /> (2) Krystā Pīkoltū ļaudis zaimoj, saceidami: «Jo Tu esi <br /> Dīva Dāls, nūkop nu krysta». (Mt 27, 40) Ari tagad skaņ leidzeigi: <br /> «Jo Tu esi Dīvs, tad padori tū un tū...». Bet ļaundars pi krysta,<br /> <br /> nūžālodams grākus, soka: «Jezu, pīmini mani, kad īīsi sovā <br /> vaļsteibā». (Lk 23, 42) Kaida atšķireiga nūstoja! Pīdūd, Kungs, <br /> todēļ ka mes bīži nazynom, kū dorom. Dovoj mums grāku nūžālas un <br /> atpesteišonas žēlesteibu kai laupeito-jam pi krysta.<br /> (3) «Kad es byušu pacalts nu zemes, es pīviļkšu pi sevis vysus», <br /> saceja Kristus. (Jņ 12, 32) Kas pīvalk cylvākus? Tei ir Dīva <br /> mīlesteiba, tei ir myužeigo dzeive, kū Jys dovoj ticeigim. <br /> -Vīnoti ar Kungu, ari Jo ticeigī, izejūt cauri cīsšonom un <br /> novei, īīt dzeivē. Pi Pesteitoja krys-ta rūn īprīcynojumu tī, <br /> kas saprūt, ka nove ir atsagrīzšona pi Radeitoja, pi Tāva.<br /> (4) Cylvāki sovā laikā ir uzstodejuši daudz krystu, un <br /> vīnā nu tim pīkola Dīva Dālu. Jys pats upurējos, atdūdams <br /> sevi cylvāku reiceibā: «Šys ir muns Asnis, kas par daudzajim <br /> izlīts grāku atlaisšonai». (Mt 26, 28) Svātajā Misē ticeigī ir <br /> šo atpesteišonas nūslāpuma daleibnīki leidz pat šam laikam.<br /> <br /> Lyugsimēs: <br /> Dīvs, Tu gribi, lai vysi cylvāki pazeitu patīseibu <br /> un byutu atpesteiti, raugīs uz sovu Vīnpīdzymušū Dālu, kas upurej <br /> pats sevi par vysim ļaudim. Dori, lai Tovs vords kļyutu pazeistams <br /> un gūdots vysos tautos.<br /> <br /> XIII<br /> KUNGA JEZUS MĪSU NŪJEM NU KRYSTA<br /> (1) Pēc Jezus noves puļceņš uztycamu cylvāku vēļ palīk pi krysta. <br /> Storp tim ir ari Jezus Mote, kas pajam sovā klēpī Dāla myrušū mīsu. <br /> Jei redz, cik dziļas bryuces Jezum cērstas, cik osi ērški apvej <br /> Jo golvu, un jos sirds cīš, lai gon Jezus cīsšonas jau beigušos. <br /> Dīva Mote, aizstovi myusus noves stuņdē!<br /> (2) «Tāvs, Tovos rūkos es atdūdu sovu goru». (Lk 23, 46) <br /> Tī ir pādejī Jezus vordi uz krysta. Jo gors atsagrīze pi Tāva, <br /> bet cylvāku rūkos palyka tikai izmūceito mīsa, kuru Jo tyvinīki <br /> nūjēme nu krysta. - Pādejā breidī mums noksīs atstot na tikai montu, <br /> bet ari sovu mīsu. Svareigokais tikai: ko rūkos nūnoks myusu dvēsele? <br /> Kungs, naatsasoki nu mums tymā stuņdē!<br /> (3) Jezum vēļ dzeivam asūt, zaimotoji klīdze: <br /> «Nūkop nu krysta». (Mt 27, 40) <br /> Bet mes pasatei-cam Tev, Kungs, ka palyki pi krysta leidz <br /> golam, cikom Tevi nūjēme jau myrušu. Taidai vajadzē¬ja byut <br /> myusu atpesteišonas moksai, kas mums nav ni izprūtama, ni aptverama. <br /> Lyugšona un lobs dorbs lai ir myusu ikdīnas pateiceiba <br /> Kungam par ļaužu pesteišonu.<br /> (4) Jezups nu Arimatejas un Nikodems paleidz nūjimt Jezus mīsu <br /> un sagatavot Jū apglobošo-nai. Šaidūs gadejumūs ir vajadzeigas <br /> palei-dzeigas rūkas. Taidas ir tim klusajim lobas sirds cylvākim, <br /> kas varbyut tyvok ari napazeist Kunga, bet sovā laikā izpylda <br /> vajadzeigu pīnokumu Kristus Bazneicā. Jī ir šosdīnas Jezupi un <br /> Nikodemi, kas gotovi paleidzēt tyvokam.<br /> <br /> Lyugsimēs: <br /> Dīviškais Pesteitoj! Kad nūsaslēgs myusu laiceigo dzeive, <br /> Tu sovā naizmārojamā žāļsirdeibā pījem myusu namērsteigū dvēseli, <br /> lai varim Tevi mīļot un gūdynot myužeigi.<br /> <br /> XIV<br /> KUNGA JEZUS MĪSA TEIK GUĻDEITA KOPĀ<br /> (1) Kad Jezups nu Arimatejas izcērta sev kliņtī gimines kopu, <br /> jys nazynoja, ka tymā dusēs pasauļa Pesteitojs un ka šys kops paliks <br /> par svātceļojuma vītu vysim kristeigajim. Kad pīnoce laiks, <br /> šys jūdu padūmes lūceklis (kluseibā ari Jezus moceklis) <br /> nasabeida pīdovot sovu jaunū kliņts kopu krystā Pīkoltajam. <br /> -Nasabeisti dareit lobu cytu atstotam cylvākam. «Tev byus atmoksots, <br /> kad taisneigī tiks augšan-calti». (Lk 14, 14)<br /> (2) Pesteitoja apglobošonā pīsadaleja tikai daži Jo draugi. <br /> Kristus beja vīnkoršs un nabadzeigs nu dzeives sokuma leidz beigom, <br /> pats izpiļdeidams tū, kū moceja cytim. Un Jo sekotoji napazeist <br /> bezcereibas un izmysuma pat atvārta kopa prīškā. Krysta ceļa golā <br /> jim socās jauna dzeive.<br /> (3) Kunga mīsa palyka kopā leidz trešajai dīnai. Kad ļaudim lykos, <br /> ka uz Jezu vairs nav ko cerēt, Jū apmirdzēja augšanceļšonos gūdeiba. <br /> Uzvara par novi ir apsūleita vysim, kas tic uz Kungu. Vīnoti ar Jū, <br /> mes ceļsimēs nu zemes, kaut ari myusu putekļus byutu vējs iznosojis.<br /> (4) Mes slavejam Tevi, Pesteitoj, par vysu, kū Tu esi paveicis. <br /> Vyss, kū Tu esi pordzeivojis, pīdar mums - gon cīsšonas, gon <br /> augšanceļšonos gūdeiba. Ari mes, sovukort gribim Tev veļteit <br /> sovu dzeivi: pījem tū kai upuri sovam gūdam.<br /> <br /> Lyugsimēs: <br /> Kungs, Tovi apostoli, īdami pasaulē sludynot Evangeliju, <br /> prīcojos, ka var cīst Tevis dēļ, ļauņ ari mums pīsadaleit šymā <br /> apostoliskajā dorbā, nasūt sovu ikdīnas krystu, kuru ir svētejis Tovs pīmārs.<br /> <br /> NUSLĀGUMA LYUGŠONA<br /> <br /> Krystā pīkoltais Pesteitoj! Pījem šos lyugšonas, kuras mes upurejam, <br /> gūdynojūt Tovu cīsšonu un noves svātū nūslāpumu, un dovoj myusu dvēselem <br /> sovu žēlesteibu. Mes Tevi lyudzam, kas dzeivoj un voldi myužu myužūs. <br /> Amen.</div>

Maribet